Thatësira okulare

Çfarë është thatësira e syve?

Syri është i mbrojtur gjithmonë nga faktorët mjedisorë të jashtëm nga një mbulesë lotuese e përbërë nga tre shtresa: mukoze, ujore, dhe lipidike. Prekja e njërës prej këtyre shtresave mund të çojë në një thatësirë okulare, përgjithësisht bilaterale, e provokuar nga lagështia e pamjaftueshme e strukturave të brendshme të syrit. Thatësira okulare e fëmijës është shpesh e nën-diagnostikuar dhe mund të shoqërohet me një prekje lokale të syrit, (alergji e cila është shkaku me i shpeshtë i thatësirës okulare tek fëmija), nga faktorë mjedisorë, dhe efekte dytësore të shumë ilaçeve ose, më rrallë me sëmundje më të përgjithshme.

Cilat janë shenjat?

Fëmija rrallë ankohet për thatësirë okulare, por i informon prindërit për kruajtjet, një ndjesi rëre ose trupi të huaj, djegie ose dhimbje pak a shumë të forta, një shikim të turbullt ose një ndjeshmëri të rritur ndaj dritës. Rritja e lëvizjeve okulare dhe e skuqjes së syve mund të jetë shenjë e një thatësire okulare. Ndonjëherë, sytë rrjedhin në mënyrë të tepërt, në mënyrë paradoksale, si reagim ndaj një irritimi.

Cilat janë mjetet e diagnostikimit?

Një ekzaminim i kujdesshëm i syve nëpërmjet mprehtësisë së shikimit, një kontroll i shenjave të irritimit të qepallave dhe të strukturave të brendshme të syrit, vlerësimi i mbylljes së mirë të qepallave gjatë gjumit, një ngjyrim i lotëve me pika flurishente dhe disa teste vlerësimi për cilësinë dhe sasinë e lotëve, mund të realizohen për të identifikuar thatësirën okulare.

Cilat janë mjetet e parandalimit të thatësirës okulare?

Gjestet e thjeshta mund të ulin simptomat e thatësirës okulare, si lagështira e ajrit në shtëpi, sidomos në dimër, mbrojtja e syve gjatë ekspozimit në diell, heqja e ilaçeve që favorizojnë thatësirën okulare, një ushqim i ekuilibruar dhe i pasur në acide të ngopura me omega 3, si edhe një hidratim i mjaftueshëm. Gjatë përdorimit të ekranit, i njohur për të favorizuar thatësirën okulare duke ulur lëvizjet e rregullta të syve, duhet t’i mësohet fëmijës, nga njëra anë, të mos abuzojë dhe nga ana tjetër të bëjë pushime të shpeshtë, për të shplodhur sytë dhe të përfitojë nga ky pushim duke hapur dhe mbyllur sytë dhe për të ndihmuar rigjenerimin e mbulesës së lotëve.

 

Trajtimi i thatësirës okulare

Trajtime lubrifikuese okulare me pika dhe pomadë mund të rekomandohen për të favorizuar zbutjen e simptomave. Në rast inflamacioni të sipërfaqes okulare dhe të qepallave, mund të rekomandohet kujdes specifik për qepallat dhe pikat anti-inflamatore. Në rastet e rënda, mund të parashikohen lente speciale kontakti, madje edhe një pushim me tapa okluzive tek pikat e lotëve, si edhe disa kirurgji specifike të sipërfaqes së brendshme të syrit.